Cume Iberoamericana | |
---|---|
Web oficial | |
![]() |
Les Cumes Iberoamericanes de Xefes d'Estáu y de Gobiernu son les xuntes biañales —añales hasta 2014— de los Xefes d'Estáu y Gobiernu de los diecinueve países d'América y trés de la península ibérica (España, Andorra y Portugal) que caltienen fuertes venceyos culturales, históricos y económicos dientro del área iberoamericana.[1] Los miembros de plenu derechu que participen nella son: Andorra, Arxentina, Bolivia, Brasil, Colombia, Costa Rica, Cuba, Chile, Ecuador, El Salvador, España, Guatemala, Hondures, Méxicu, Nicaragua, Panamá, Paraguái, Perú, Portugal, República Dominicana, Uruguái y Venezuela.
Amás de los miembros de plenu derechu esisten otros miembros asociaos, como Guinea Ecuatorial, que tamién ye miembru de la Organización d'Estaos Iberoamericanos (OEI), o Puertu Ricu, que ye un Estáu llibre acomuñáu de los Estaos Xuníos, y non un estáu independiente.
La SEGIB, como órganu permanente de sofitu institucional, téunicu y alministrativu de la Conferencia Iberoamericana, trabaya n'estrecha collaboración cola Secretaría Pro-Tempore na preparación de cada cume.