Back ثغر (نبات) Arabic Устица Bulgarian পত্ররন্ধ্র Bengali/Bangla Stoma BS Estoma Catalan دەمیلە CKB Průduch Czech Spalteåbning Danish Stoma (Botanik) German Στόμα (βοτανική) Greek

Estoma

Los estomes na epidermis d'una fueya tal como se ven al microscopiu. Consten de dos célules oclusives xuníes ente sigo nos sos estremos que xuntes delimiten un poru o ostiolu. El tamañu de les célules ye regulable, lo que regula'l tamañu del poru. Pueden tar arrodiaes de célules accesories, de morfoloxía distintiva.
Una corte tresversal d'una fueya al altor del estoma amuesa la disposición de les célules per debaxo d'él, formando una cámara subestomática qu'agospia los gases.
Les célules oclusives alredor del ostiolu camuden la so turxencia por ósmosis, abriéndolu o zarrándolu. L'agua (fleches celestes) entra o sale de la célula oclusiva siguiendo la concentración de potasiu (fleches y puntos roses), que de la mesma entra o sale per aciu de cadarmes na membrana de la célula, con gastu d'enerxía qu'en xunto denómase tresporte activu.

En Botánica, denómase estoma[1] a los dos célules oclusives que formen parte de la epidermis de la planta y que delimiten ente elles un poru llamáu ostiolu -la epidermis ye impermeable a l'agua y gases por cuenta de la capa de cutícula que la cubre-, que dexen comunicar l'ambiente gaseosu del interior de la planta col del esterior. Estes célules xunto coles célules acompañantes de la epidermis alredor d'elles, si hai, formen l'órganu llamáu aparatu estomáticu, que de normal ábrese a un cuévanu debaxo de la epidermis denomáu cámara subestomática que la so función ye agospiar los gases. Les célules oclusives abren y zarren l'ostiolu de forma acoplada coles condiciones fisiolóxiques de la planta, lo qu'estrema al estoma d'un poru común como'l que puede atopase nos mofos más primitivos de les embriofites (plantes terrestres).

  1. ↑ J Valla, Morfoloxía de Plantes Cimeres
From Wikipedia, the free encyclopedia · View on Wikipedia

Developed by Tubidy