La Lliga de la Xusticia (n'inglés: Justice League), ye un equipu de superhéroes de cómics conformáu polos principales personaxes del Universu DC. Apaeció per primer vegada en The Brave and the Bold № 28 (1960). Tanto'l nome del grupu como los sos integrantes variaron colos años. La formación orixinal y más conocida entiende a: Batman, Superman, Muyer Maravía, Flash (Barry Allen), Llinterna Verde (Hal Jordan), Aquaman y Detective Marcianu. La Lliga de la Xusticia ye una de les principales publicaciones de la editorial DC Comics.