Back Kyokushin Kaikan ALS كيوكوشن كاراتيه Arabic Kyokuşinkay Azerbaijani Киокушин Bulgarian Kyokushin kaikan Catalan کیۆکۆشین CKB Kjokušin karate Czech Kyokushin Kaikan German Kyokushin English Kiokuŝinkaj Esperanto
| Kyokushinkai 極真会 | |
|---|---|
| Tamién | Kárate Kyokushin, Kyokushin kaikan |
| Fecha de fundación | 1964 |
| País d'orixe |  Xapón
|
| Fundador | Masutatsu Oyama (Choi Yeong-Eui) |
| Métodos téunicos | Combate a contautu plenu, en cata'l KO. Nes competiciones (normalmente ensin proteición dala) permítense les pataes a nivel “jodan” (cabeza), pero non golpes de mano/puñu a esi mesmu nivel |
| Escueles proxenitores | Principalmente Goju-ryu, pero tamién Shotokan y Daito-ryu Aiki-jujutsu |
| Escueles derivaes | Seido Juku, Seidokaikan, Shidokan, Ashihara, Daido Juku |
| Prauticantes | Terutomo Yamazaki, Sonny Chiba, Akira Masuda, Georges St. Pierre, Andy Hug, Bas Rutten, Dolph Lundgren, Glaube Feitosa, Francisco Filho, Bobby Lowe, Hajime Kazumi, Mariusz Pudzianowski, Tiger Schulmann, Shokei Matsui, Semmy Schilt, Ewerton Teixeira, Glen Murphy, Ryo Chonan, Andrews Nakahara, Katsunori Kikuno, Sean Connery |
| Deporte olímpicu | Non |
El Kyokushinkai (極真会) o Kárate Kyokushin ye un estilu de kárate a contautu plenu fundáu en 1964 pol maestru xaponés, d'orixe coreanu, Masutatsu Oyama. El términu xaponés kyokushinkai tórnase a "sociedá (会) de la verdá (真) definitiva (極)". El conceutu kyokushin arraigona nuna filosofía d'ameyoramientu personal, disciplina y entrenamientu duru. El so estilu de combate a contautu plenu tuvo munchu ésitu internacionalmente (en más de cuatro décades tien habío más de 12 millones de prauticantes[1][2][3]).
El Kyokushinkai influyó en munches de les escueles de kárate "full-contact" pola importancia que-y da al combate realista, a la resistencia física y pol so práuticu programa d'entrenamientu. El sistema de competición de “kárate al KO” entamáu pol Kyokushinkai foi adoptáu por munchos estilos y organizaciones de kárate diferentes. Otres organizaciones d'artes marciales evolucionaron del Kyokushinkai a lo llargo de los años, dalgunes cambiando'l repertoriu marcial per aciu d'añadir delles téuniques, por exemplu les d'agarre, pero siguiendo cola mesma filosofía d'entrenamientu realista y práuticu.