Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Una manga d'aire ye un tubu testil cónicu (que recuerda a una manga, d'equí el nome) diseñada pa indicar la direición y velocidá relativa del vientu. Les mangues d'aire típicamente s'usen nos aeropuertu y plantes químiques onde hai peligru de perdes gaseoses. Pónense dacuando cabo les autopistes en llugares ventosos.
La direición del aire ye la opuesta a la direición a la qu'apunta la manga (les direiciones del vientu convencionalmente s'especifiquen como'l puntu cardinal onde s'orixina el vientu, de mou qu'una manga qu'apunta al norte indica un vientu suriegu). La velocidá vien indicada pol ángulu relativu col mástil; con vientu sele, la manga baxa; con vientu fuerte vuela n'horizontal.
Según los estándares de la FAA referenciaos más abaxo, un vientu de 15 nuedos (28 km/h; 17 mph) estenderá completamente una manga d'aire que funcione bien. Una brisa de 3 nuedos (5.6 km/h; 3.5 mph) causará qu'una manga d'aire que funcione bien s'oriente acordies col vientu.
Según los estándares de Transport Canada: un vientu de 15 nuedos (28 km/h; 17 mph) estenderá completamente la manga d'aire, un vientu de 10 nuedos (19 km/h; 12 mph) causará que la manga d'aire tea 5° baxo la horizontal, un vientu de 6 nuedos (11 km/h; 6.9 mph) causará que la manga tea 30° baxo la horizontal.
En bien d'aeropuertos, les mangues d'aire allúmense de nueche, o con focos superiores alredor o con unu instaláu nel mástil qu'alluma dientro d'ella.
Les mangues d'aire tamién son célebres pa los neños y pueden tener diseños brillantes y coloríos. Eses mangues nun son particularmente funcionales y s'usen principalmente como decoración. Sicasí, puen valir como gabitu básicu p'albidrar la velocidá y direición del vientu.