Peyton Manning![]() | |||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||||||||||||||||
Vida | |||||||||||||||||||||||||||||||||||||
Nacimientu | Nueva Orleans, 24 de marzu de 1976[1] (48 años) | ||||||||||||||||||||||||||||||||||||
Nacionalidá |
![]() | ||||||||||||||||||||||||||||||||||||
Residencia | Denver | ||||||||||||||||||||||||||||||||||||
Llingua materna | inglés | ||||||||||||||||||||||||||||||||||||
Familia | |||||||||||||||||||||||||||||||||||||
Padre | Archie Manning | ||||||||||||||||||||||||||||||||||||
Hermanos/es | |||||||||||||||||||||||||||||||||||||
Pueblu |
Manning family (en) ![]() | ||||||||||||||||||||||||||||||||||||
Estudios | |||||||||||||||||||||||||||||||||||||
Estudios |
Isidore Newman School (en) ![]() Universidá de Tennessee (1994 - 1998) | ||||||||||||||||||||||||||||||||||||
Llingües falaes | inglés | ||||||||||||||||||||||||||||||||||||
Oficiu | |||||||||||||||||||||||||||||||||||||
Oficiu | xugador de fútbol americanu, restaurador, actor, actor de voz | ||||||||||||||||||||||||||||||||||||
| |||||||||||||||||||||||||||||||||||||
Posición o especialidá | Quarterback | ||||||||||||||||||||||||||||||||||||
Pesu | 104 kg | ||||||||||||||||||||||||||||||||||||
Altor | 196 cm | ||||||||||||||||||||||||||||||||||||
Miembru de |
Phi Beta Kappa (es) ![]() | ||||||||||||||||||||||||||||||||||||
IMDb | nm1621659 | ||||||||||||||||||||||||||||||||||||
peytonmanning.com | |||||||||||||||||||||||||||||||||||||
![]() |
Peyton Williams Manning (24 de marzu de 1976, Nueva Orleans) ye un xugador profesional de fútbol americanu estauxunidense que xuega na posición de quarterback y anguaño milita nos Denver Broncos de la NFL. Ye unu de los fíos del ex-quarterback de la NFL Archie Manning y hermanu mayor del actual quarterback de los New York Giants, Eli Manning.
Xugó colos Indianapolis Colts mientres 14 temporaes, de 1998 a 2011. Foi escoyíu polos Colts como la primer seleición global del draft de 1998[2] al rematar una carrera bien destacada nel fútbol americanu universitariu colos Tennessee Volunteers.
Desque los Colts escoyeron a Manning en 1998, ésti equipu tien el porcentaxe más altu de la NFL en conversiones de xugaes de 3ᵉʳ down (44.6%) y 4ᵘ down (61.1%). Al dirixir l'equipu ofensivu de los Colts a la victoria nel Super Bowl XLI en 2006, Manning ayudó al so equipu a establecer otra marca de la NFL, al convertir el 56,1% de les sos xugaes en 3ᵉʳ down.[3]
Manning tien la marca de la NFL por más temporaes consecutives consiguiendo más de 4.000 yardes per pase y pola mayor cantidá de temporaes consiguiendo más de 4.000 yardes per pase pa tola vida.[4][5] Manning entá caltién la tercera meyor marca d'eficiencia de pase (95.2) ente los quarterbacks n'actividá, y la cuarta meyor de tolos tiempos, solamente detrás de Steve Young (96.8), Philip Rivers (95.8) y Tony Romo (95.6). Ye'l líder de tolos tiempos de los Colts en victories pa tola vida, yardes per pase pa tola vida, intentos de pase, pases completu y pases de touchdowns.[6]
En 2009, foi escoyíu pola revista The Sporting News como'l xugador Nᵘ1 na NFL na actualidá.[7] Tamién foi nomáu como'l xugador de la década por Fox Sports n'Estaos Xuníos.
Hai teníos dos contratos millonarios colos Colts a falta de roblar el postreru y terceru en 2011. El primeru, el de rookie, foi de $48 millones y 6 años. El segundu fíxo-y xugador franquicia de los Colts con $98 millones pa 7 años. El terceru y postreru foi de $90 millones por 5 años.
Manning apaeció en numberosos comerciales, nes portaes de la serie de xuegos NFL Fever pa la consola Xbox, foi'l anfitrión convidáu del programa de televisión Saturday Night Live y emprestó la so voz a un capítulu de la serie de televisión The Simpsons xunto a los sos hermanos Eli y Cooper, convirtiéndose nun xugador desaxeradamente comerciable fuera del ambiente del fútbol americanu.[8][9][10][11]
Na llista de los 100 meyores xugadores de la historia de la NFL publicada'l 4 de payares del 2010, Manning foi allugáu como'l tercer meyor QB de tolos tiempos, solo por detrás de Joe Montana y Johnny Unitas, anque ye'l númberu unu ente los mariscales de campu n'activu.[12]
El 19 d'ochobre de 2014 estableció la nueva marca al terminar el xuegu contra San Francisco con un total acumuláu de 510 pases d'anotación en tola so carrera na NFL, superando l'anterior marca de 508 pases d'anotación de Brett Favre.