Prau

Un prau ye una tierra llana o de relieve nidiu, húmeda o de regadíu, na cual crez la yerba col fin de xenerar campera pal ganáu y forraxe pa caltener, cuando hai producción sobrante. Polo xeneral los praos mesofíticos crecen en rexones húmedes y non bien fríes, nes qu'apenes esiste seca, sol dominiu de los montes caducifolios o aciculifolios. Los praos formen ecosistemes creaos de resultes de l'actividá humana consistente nuna economía rural basada na ganadería, calteniendo la vexetación nun estáu de subclímax, gracies a l'alternanza de siega y llendo; estes actuaciones alternantes compleméntense frecuentemente con otros cuidos como enmiendes caliares, o fertilización orgánica o mineral.