Rallycross

Rallycross ye una disciplina del automovilismu que s'apuesta en circuitos con superficies mistes, xeneralmente asfaltu y tierra.

Cada fecha de rallycross suel componese d'una serie de mangues eliminatories, finales de repesca (onde'l ganador apuerta a la final), y una final, nes que participen unos seis a diez pilotos xuntos (al contrariu que nes carreres de rally). Anguaño sustituyéronse les finales de repesca por dos semifinales, en caúna de les cuales los seis participantes xuéguense tres places pa la final. En cada manga percuerren unos 3 a 15 km, que signifiquen ente trés y diez vueltes yá que los circuitos tienen una estensión d'ente 950 a 1400 metros. Típicamente esíxese a los pilotos que realicen en cada manga una vuelta comodín (joker lap), na que tienen de tomar una esviadura predeterminado (que puede ser un atayu o un camín más llargu).

El autocross puede considerase como una variante del rallycross o viceversa, na cual los circuitos tienen un únicu tipu de superficie, por casu gravilla o folla (nunca asfaltu).