El Ranking UCI ye un sistema de puntuación de carreres ciclistes de ciclismu en ruta masculines utilizáu de 1984 a 2004, cuando foi sustituyíu pol UCI ProTour. Hasta'l 1992 foi llamáu Ranking FICP yá que lo ellaboraba esa organización, encargándose dende 1993 la mesma UCI por cuenta de la fusión de la FICP (federación profesional) cola FIAC (federación amateur).
De 1984 a 1994 foi solu de corredores y equipos incluyéndose a partir de 1995 clasificación por países que sirvía p'axudicar el númberu de corredores en distintes competiciones internacionales per países, sobremanera nel Campeonatu del Mundu. Llama l'atención la superioridá italiana dende los empiezos d'esti nuevu premiu, una y bones Italia resultó'l país ganador dende l'añu 1996 hasta'l 2004. Como puede comprobase fueron años de rellumanza del ciclismu tresalpín, una y bones los ciclistes de dichu país llograron un gran númberu de victories.
En 2016, tres un periodu de consultes y alderique internu, volvió ellaborase un ranking conxuntu de toles competiciones (UCI WorldTour y Circuitos Continentales UCI) nel llamáu UCI World Ranking.[1]
Esti sistema pretende faer un ranking de los meyores ciclistes a nivel mundial, pero nunca llegó a cuayar a nivel internacional al igual que los rankings masculinos non oficiales qu'hubo enantes como'l Challenge Desgrange-Colombo (1948-1958) y el Super Prestige Pernod International (1959-1987).
Tamién esisten otros Ranking UCI referíos a otres modalidaes o especialidaes de ciclismu.