Back Tafeltennis Afrikaans كرة الطاولة Arabic تنس الطاوله ARZ टेबल टेनिस AWA Stolüstü tennis Azerbaijani میز اوسته تنیس AZB Өҫтәл теннисы Bashkir Pingpong BCL Настольны тэніс Byelorussian Настольны тэніс BE-X-OLD
 Tenis de mesa | ||
|---|---|---|
 Partíu de dobles de la final masculina por equipos de los Xuegos Olímpicos de Londres 2012. | ||
| Autoridá deportiva | Federación Internacional de Tenis de Mesa | |
| Carauterístiques | ||
| Contautu | Non | |
| Miembros por equipu | Depende de la competición | |
| Categoría | Deporte de raqueta accesorios = | |
| Pelota | Sí, de 40 mm de diámetru, 2,7 g de pesu y de color blancu o naranxa | |
| Llugar del encuentru | Pabellones o espacios zarraos | |
| Duración del encuentru | Variable | |
| Formatu de puntuación | 11 tantos, con diferencia de 2 en casu d'empatar a 10 | |
| Olímpicu | Dende Seúl 1988 | |
| [editar datos en Wikidata] | ||
El tenis de mesa (tamién conocíu popularmente como ping-pong o pimpón)[1] ye un deporte de raqueta que s'apuesta ente dos xugadores o dos pareyes (dobles). Ye un deporte olímpico dende Seúl 1988, y el deporte con mayor númberu de prauticantes, con 40 millones de xugadores compitiendo en tol mundu.[2][3][4]
La regulación a nivel mundial d'esti deporte cuerre al cargu de la Federación Internacional de Tenis de Mesa (ITTF, poles sos sigles n'inglés), qu'arrexunta a más de 200 organizaciones nacionales y 33 millones de federaos a tolos niveles de competición, dende torneos de clubes hasta los campeonatos del mundu, que se celebren añalmente dende 1926 y bianualmente dende 1957, o'l World Tour, un conxuntu de torneos entamaos pola ITTF que se celebren en tolos continentes y qu'axunta a los profesionales del más altu nivel.
Nació na década de 1870 n'Inglaterra como una derivación del tenis. La historia d'esti deporte ta marcada por una serie d'evoluciones téuniques, como la naturaleza de los revestimientos de les raquetes, aumentu del tamañu de la pelota, l'amenorgamientu del númberu de tantos por xuegu o la introducción y posterior prohibición del usu de pegamentos rápidos, evoluciones que conducieron a innovaciones nel estilu de xuegu, como l'usu de la presa asiática o «de llapiceru», orixinalmente polos húngaros y darréu polos asiáticos, y nes táctiques emplegaes, como l'apaición del topspin a finales de los años 1980. El tenis de mesa modernu dexa una gran variedá de sistemes de xuegu, tanto ofensivos como defensivos.
- ↑ Esti términu apaez nel Diccionariu de l'Academia de la Llingua Asturiana. Ver: pimpón
- ↑ «Table Tennis». The International Olympic Committee. Consultáu'l 4 d'agostu de 2017.
- ↑ «Disciplines Olímpiques / Tenis de Mesa». Camín a Londres 2012. marca.com. Consultáu'l 16 de febreru de 2015.
- ↑ «Tenis de Mesa, el dominiu de los anfitriones». Corporación de Radio y Televisión Española (9 de xunetu de 2008). Archiváu dende l'orixinal, el 26 de payares de 2015. Consultáu'l 16 de febreru de 2015.