Un trapecista ye un artista de circu que realiza acrobacies sobre'l trapeciu. Los trapecistas constitúin una de les actuaciones clásiques del circu ya incluyíes ente les artes circenses. Los actos del trapecista son bien apreciaos pol públicu pol so riesgu y espectacularidá.
El llabor tradicional del trapecista ye la de realizar reblincaes de dificultá creciente sobre'l trapeciu mientres ésti bánciase. Dalgunes de les acrobacies más comunes son:
- Dar la vuelta quedando por un momentu suspendíu nel aire o suxetu por una mano
- Voltiar verticalmente alredor del trapeciu
- Banciase ensin pies nin manes sofitáu tan solo pol torso
- Quedar suxetu pámpana abaxo pelos llaterales del trapeciu
- Quedar suxetu tan solo polos empeines
El númberu con dos trapecios ye muncho más vistosu y espectacular. Nél participen siquier dos trapecistas unu en cada trapeciu de los cualos unu bánciase siempres pámpana abaxo y l'otru fai reblincaes nel aire pa ser recoyíu pol primeru. La inercia del exerciciu dexa al primer artista soltar el trapeciu y recuperalo nel percorríu de vuelta.
Ente los númberos que se realicen atópense:
- Cucurrabucu simple
- Cucurrabucu y media pa ser garráu polos pies
- Doble cucurrabucu más conocida como doble salto mortal