Walt Disney World Resort

Walt Disney World Resort
Walt Disney World Resort (en)
complejo turístico (es) y atraición turística
Llocalización
País	Estaos Xuníos
Estaos	Florida
Condáu	condáu d'Orange
Ciudá	Lake Buena Vista (es)
Coordenaes	28°22′20″N 81°32′58″W / 28.3722°N 81.5494°O / 28.3722; -81.5494
Walt Disney World Resort Walt Disney World Resort (los EE.XX.)
Altitú	37 m
Historia y usu
Apertura	1r ochobre 1971
Dueñu	Walt Disney Parks and Resorts (es)
Orixe del nome	Walt Disney
Arquiteutura
Superficie	27 258 acre
Instalaciones
Formáu por	Disney's Animal Kingdom, Epcot, Magic Kingdom, Disney's Hollywood Studios, Disney's Riverside Country (es) , Disney's Typhoon Lagoon y Disney's Blizzard Beach
Web oficial

Walt Disney World Resort, comúnmente llamáu Walt Disney World o Disney World, ye un complexu turísticu famosu polos sos parques temáticos y numberosos hoteles. El complexu ye operáu por una división de la compañía Disney, que ye la propietaria. Ta alcontráu na zona de Lake Buena Vista y Bay Lake en Florida.

La construcción empezó en 1967, menos d'un añu dempués de la muerte de Walt Disney. El 1 d'ochobre de 1971, abrió les sos puertes el parque conocíu como Magic Kingdom; depués añadiéronse al complexu los parques temáticos Epcot, Disney's Hollywood Studios y Disney's Animal Kingdom.

Amás de los cuatro parques temáticos principales, el complexu cunta con dos parques acuáticos, seis circuitos de golf, un complexu deportivu, dos centros comerciales, venticuatro hoteles de Disney, numberoses tiendes, y restoranes. L'área total de la propiedá tien 12.000 hectárees (como la ciudá de San Francisco) y ye'l complexu de parques temáticos más grande del mundu, a pesar de que na última década vendiéronse grandes estensiones de terrén pa conxuntos residenciales y otros proyeutos, incluyendo'l terrén agora ocupáu pela ciudá de Celebration, construyida y alministrada por Disney.

Puede aportase al complexu al traviés de la carretera interestatal 4, per mediu de la salida 62B (World Drive), 64B (US 192 West), 65B (Osceola Parkway West), 67B (SR 536 West) y 68 (SR 535 North). Amás, en 2006 abrióse una nueva entrada al traviés de la salida 8 de la State Road 429, conocida como Western Expressway.