![]() | Esta ye una política oficial de la Wikipedia. Ellaboróse por tola comunidá, y el so cumplimientu ye obligatoriu pa tolos editores. Pues camudar coses menores, como meyorar la redaición o'l formatu, pero si quies camudar coses más importantes ties que consultalo a tola comunidá. |
Toles polítiques oficiales de Wikipedia deben basar los sos principios en cinco pegoyos que definen el calter de la enciclopedia:
![]() |
Wikipedia ye una enciclopedia qu'incorpora elementos de les enciclopedies xenerales, de les enciclopedies especializaes y de los almanaques. Wikipedia nun ye un diccionariu, nin una coleición de testos orixinales, nin tampoco una máquina de propaganda. Wikipedia nun ye un periódicu, nin un servidor gratuitu, nin tampoco un proveedor d'espaciu web. Asina, Wikipedia nun ye un conxuntu de páxines promocionales, nin un esperimentu sobre l'anarquía o la democracia, o un direutoriu d'enllaces. Tampoco nun ye'l llugar pa espresar opiniones, esperiencies o argumentos; tolos editores deben impedir que Wikipedia se convierta en una fonte primaria y deben esforzase por consiguir la exactitú nos artículos. |
![]() |
Wikipedia busca'l «puntu de vista neutral», ello ye, tenta de consiguir que los artículos nun aboguen por un puntu de vista en concreto. Esto requier ofrecer la información dende tolos ángulos posibles, presentar cada puntu de vista de xeitu precisu, dotar de contestu los artículos pa que los llectores comprendan toles visiones, y nun presentar nengún puntu de vista como «el verdaderu» o «el meyor». Esto implica citar fontes autorizaes que puedan verificase siempre que seya posible, especialmente en temes polémicos. Cada vez qu'apaeza un conflictu pa determinar qué versión ye la más neutral, debe declarase un periodu de reflexón pente medies d'un cartelu de discutíu nel artículu. Eslararánse los detalles na páxina d'alderique y tentaráse resolver la disputa con calma. |
![]() |
Wikipedia ye de conteníu llibre, de manera que tol testu ta disponible baxo la Llicencia Creative Commons Atribución-CompartirIgual 3.0 Unported (CC BY-SA 3.0). La mayor parte del conteníu tamién ta disponible baxo la Llicencia de Documentación Llibre GNU (GFDL). Esto significa que'l conteníu de Wikipedia pue distribuyise y enllazar d'acuerdu colo establecío nestes llicencies. Deberás aceptar que cualquiera podrá modificar en cualquier momentu y ensin avisu previu los tos artículos y que nengún individuu controla los artículos en forma esclusiva. Cualquier testu col que contribuyas podrá ser editáu y redistribuyíu ensin piedá por tola comunidá. Nun amiestes materiales que violen los derechos de los sos autores nin trabayos con un esquema de llicenciamientu incompatible col esquema de Wikipedia. |
![]() |
Wikipedia sigue unes normes d'etiqueta. Respeta a los tos compañeros wikipedistes inclusive cuando nun teas d'acuerdu con ellos. Compórtate civilizadamente. Evita los ataques personales y les xeneralizaciones. Mantén la calma cuando se crispen los ánimos; evita les guerres d'ediciones; recuerda qu'hai alredor de 136 000 artículos na Wikipedia n'asturianu colos que pues trabayar. Actúa con bona fe, ensin sabotiar Wikipedia pa respaldar los tos argumentos. Nun uses espantayos pa facer el mal o pa evitar les polítiques. Sé abiertu, acoyedor y inclusivu. |
![]() |
Wikipedia nun tien normes firmes más allá de los cinco principios xenerales enunciaos equí. Sé valiente creando, treslladando y modificando artículos, porque la gracia d'editar ye que, anque se persigue, nun se requier la perfección. Y que nun te dea reparu editar por mieu a ponelo too pates arriba. Toles versiones anteriores de los artículos tán guardaes, asina que nun hai forma de que puedas estropiar por accidente Wikipedia o de destruyir dafechu'l so conteníu. Por eso recuerda: tolo qu'escribas equí pasará a la posteridá. |