Enko nehe ka kice kictapitak ota pimatisiwinik. Ekote e otciparik kaskina pimatisiwin asinik e ki actek ota ka pakicinitc. Nama orina wec icinakon e cipwactiakamik nehe nipi nama kaie wec ispokon. Mocak actew kitci kispiwatcikatek nipi kaie kitci mirowapitcitakiniwok.
Nipi e aisparik
Enko nehe ka ki apitak kitci ki takok pimatisiwin ota askik, onimiskiw ki ocitaw. Ote otciparin icpimik, waste waskok, asini ka miskomiwitc, mitcetiwok kaie mitcet ota ki pakiciniwok weckatc, ekoni wetci micta mitcakamik. Kecpin e pakitik, askik isparin, matci matciacikowin, matci kaie atamitowak mitciwon. Nac kitcikamik e isparik. Ekote tca minawatc e otci icpiparik nac osko e takok. Enko tca nehe ata, nipi ka pikisiwok, e icpapactak nac nte kisokaparin e nte kicitek nitc. Kimiwon maitci kaie sokipon, sasekan matci kaie kimiwonesiwon. Ekote e otci nitawakik kitikan, mictikw kaie kaskina ka atcictamakak e pimatisimakak. Arimatc tca micta minatcitakaniwon nipi. Nipimatisiwin otciparin ka itwaniwok.