Francava

Francava tir Indo-europa ava ke romavind. Francava koe Franca al tadlewer ( wetce inda ke « oïl ava » valente patecta ) aze moe kota tadava gan mon 274 celemoy korik re zo pulvir, don 212 celemoy vieleaf usik don 76 celemoy avusik. Bak 2014, 77 celemoy vayasik is ravesik koe tamava mbi taved. Tir tana tevoya winugafa ava is tana toloya kobasa ava ( do Englava ) ke Tanaraf Vedeyeem Grustaks, ise tir winugafa ok kobasa ava ke konak walvedeyaf ok golaf grustaks, tulon ke Europafa Tanara. Ava ke jontik gazaf ik sersaf aboyikeem sareon gu Savsafa Vertuma, male Rossia kale yon espanaf ok englaf gazik don yon sersik ke Germana, wan tir zolonafa ava ke walvedeyafa dobuluca do Englava.