MSN | |
---|---|
![]() | |
URL | msn.com |
Tipi | veb-portal |
Sahibi | Microsoft |
Açılma tarixi | 24 avqust 1995 |
Alexa reytinqi |
|
![]() |
MSN (Microsoft Network deməkdir) — Microsoft tərəfindən yaradılmış və Windows 95-in buraxılışı ilə yanaşı, 24 avqust 1995-ci ildə istifadəyə verilmiş veb portalı və Windows və mobil cihazlar üçün internet xidmətləri və proqramlarının müvafiq kolleksiyası.
Microsoft Network əvvəlcə abunə əsaslı kommutasiyalı onlayn xidmət idi və sonra "MSN Dial-up" adlı internet xidmət provayderinə çevrildi. Eyni zamanda, şirkət "Microsoft Internet Start" adlı yeni veb portalını işə saldı və onu Internet Explorer-in ilk defolt ana səhifəsi kimi təyin etdi. 1998-ci ildə Microsoft veb-portalın adını dəyişdi və www.msn.com domen adına köçürdü.[2]
Orijinal MSN Dial-up xidmətinə əlavə olaraq, Microsoft illər ərzində xüsusilə "Hotmail" (sonradan Outlook.com), "Messenger" (bir vaxtlar "MSN" ilə sinonim idi, indi Skype ilə əvəz olunub), "Bing" və bir sıra digər rebrendinq edilmiş və dayandırılmış xidmətlər üçün "MSN" brend adından istifadə etmişdir.
MSN tərəfindən təklif olunan cari vebsayt və proqramlar dəsti ilk dəfə 2014-cü ildə Microsoft tərəfindən yeni dizayn və buraxılışın bir hissəsi kimi təqdim edilib.[3] MSN ABŞ-də yerləşir və dünyanın onlarla ölkəsi üçün öz portalının beynəlxalq versiyalarını təklif edir.[4]