A Bichl oda Bihl, vadeitscht Bühl (dt. Hügel, engl. hill) is a gloana Beag. Es gibt owa koa exakte Untascheidung zwischen Beag und Bichl. Es gibt Bichl, wo iwa 1000 Meta hoch san. A Bichl ko owa aa oafoch a Auslaifa vo am Beag sei.
Andane Weata fia Bichl san voa oim Ausdruck fia a bsundare Foam vo am Bichl, wia beispuisweis: Nock, Kuim (Kulm), Gupf, Kogl/Kofl, Bugl, Staufen/Staff und Riegl.
A Mugl is a gloana Bichl. A Bugl (Höhenrücken) is a longzogna Bichl. Kogl und Kofl san Bichl mid runda Kuppm.