Da Neil Alden Armstrong (* 5. August 1930 bei Wapakoneta, Ohio; † 25. August 2012 z Cincinnati, Ohio) wor a amerikanischa Astronaut und da easchde Mensch afm Mond.
Ois Kommandant vo Apollo 11 is a im Juli 1969 zum Mond gflong. Bei dea Mission san da Armstrong und da Buzz Aldrin a hoibe Stund am Mond umadumganga. Da Armstrong hod ois Easchda sein Fuass afm Mond gsezd.
Wiara aussegraxlt is, hod a gsogt:
“That’s one small step for man… one… giant leap for mankind.”
Des is aa oana vo de berihmtasdn Vasprecha. Wei song woit a (so hod a si s af an Bladdl notiad ghobd): "Des is a kloana Schridd fia an Mensch und a riesiga Sprung fiad Menschheid."
De Mondlondung wor da zwoate und lezde Raumflug vom Armstrong. Sei easchda wor dea mid Gemini 8 anno 1966, wo zum easchdn Moi zwoa Raumschiff vabundn worn san. Gemini 8 wor nacha aa as easchde Raumschiff, wo notlandn hod miassn.