Tamaulipas | ||
---|---|---|
|
![]() | |
Hauptstod | Ciudad Victoria | |
Fläch | 80.175 km² (Rang 7) | |
Eiwohna | 3.268.554 (Rang 13) | |
Dichtn | 40,8 Einwohner pro km² (Zensus 2010) | |
Gouverneur | Francisco García Cabeza de Vaca (PAN) (2016–2022) | |
Bundesobgeoadnete | PRI = 8 (Insgesamt 8) | |
Senatoan | PAN= 2 PRI = 1 | |
ISO 3166-2 | MX-TAM | |
Postobkiazung | Tamps. | |
Hoamseitn | www.tamaulipas.gob.mx |
Tamaulipas (obgloadd vo: Ta ma ho’lipam – „do, wo Lipan betn“) is a Bundesstoot in Noadostmexiko sidli vo da Mindung vom Rio Grande in an Goif vo Mexiko. Ea hod uma 3,3 Mio. Eihwohna af 80.175 km² (Stond: 2010). Haptstod is Ciudad Victoria.
Afgrund vo da longa Grenz zu Texas kummd'm Grenzvakeah bsondare Bedeitung zua, in de Grenzstädt: Nuevo Laredo, Reynosa und Matamoros findn se aa vui Maquiladoras (aus de USA ausglogade Industriebetriebe). Wiatschoftli bedeitnd is aa de Hofnstod Tampico weida im Sidn.
Da Bundesstoot Tamaulipas gliedad se in 43 Municipios.
Tamaulipas zejd zum historischn Siedlungsgebiet vo de Coahuiltec-Vejka sowia da Lipan.
1774 is de Gengd ois politische Eihheit oaganisiad und uaspringli Nuevo Santander gnennd worn. De Noadgrenz woa uaspringli om Nueces River im heiting Texas, bis im Vatrog vo Guadalupe Hidalgo da Rio Grande ois Noadgrenz vo Mexiko definiad worn is. Draus eaklead se aa da kuriose Grenzvalaff im Noadwestn.
Uma 2010 is Tamaulipas im Zammhong midm Drognkriag in Mexiko meahfoch ins intanationale Medieninteresse grodn, etwa im Zug vo da Eamoadung vom Rodolfo Torre Cantú sowia vom San-Fernando-Massaka.