Biang

Biang (Surat Batak:ᯅᯪᯀᯉ᯲ᯎ᯲) manang Panangga manang Anjing di hata Indonesia, ima sada pinahan mamalia na mandalani domestikasi sanga nungga dipalomuk sian Serigala, tingki 15.000 taon na salpu.^[1] Pandapot ni angka ilmuwan sanga parhapistaron, molo biang on nungga dipalomuk sian 100.000 taon na salpu, dibereng bukti genetik na, mulai bangke na dohot DNA na.^[2] Alai, adong muse pandapot, molo rangsa domestikasi ni biang, dang pola naleleng tu, hira-hira dang sahat marpuluribu taon nasalpu.^[3]

Biang gabe marhambang ratusan ras, jala marragam tompa na. Uarna ni imbulu ni angka biang muse marragam-ragam, adong na bontar sahat tu na birong, adong muse na rara, hulabu (jotjot dijou na "balau"), dohot sikkolat, sanga uarna nabara.

Ilmu parbinotan na marsiajari sude biang dijou ma kinologi. Kinologi rona sian bahaso Yunani kuno ima suratanna κυνός, dijaha kynόs, artina "biang" dohot λόγος, dijaha lógos, artina "ilmu, parsiajaran sanga parbinotoan".

1. ↑ McGourty, Christine Origin of dogs traced, BBC News, hata Inggeris, 27 Mei 2021
2. ↑ Vilà, C. et al. (1997).
3. ↑ Wayne, Robert K. Multiple and ancient origins of the domestic dog, www.lifesci.ucla.edu, Science-Volume 276, alaman 1687–1689, 27 Mei 2021