An Belen (Ingles, creche, nativity scene) sarong eksena na nagpapahiling kan pagkamundag ni Hesukristo[1] siring sa linaladawan sa ebanghelyo ni Mateo asin ni Lucas. Parati an eksena namomogtak sa duwang-dimension na paglaladawan sa pelikula, pintura, imprinta asin iba pang media, batay sa historya kan arte asin kultura, asin siring man sa popular na gawe; an tataramon na ini natomoy man sa mga paglaladawan na tolong-dimension na artistiko o komersyal na diorama o pantomine man na kun saen tunay na mga tawo asin mga hayop an ginagamit sa paglaladawan. An belen nageeksibit nin mga pigura nagrerepresentar kan omboy na Hesus, an ina niyang si Maria asin si Jose. An ibang mga karakter sa istoryang pagkamundag arog kan mga obeho, an Tolong Hade asin an mga anghel pwede nakapalibot sa sabsaban. kwadra o lungib (o payag) na tinutuyong makalaog an mga hayopan. Sinasabi tipikal na kairiba igdi an mga kamelyo kan mga Magi asin an mga donkey o an hayop na ox.
Si San Francisco de Assisi daa an pinakaenot na nagmukna nin belen kan taon 1223 sa tuyong mapakusog an pagsamba ki Hesukristo pakasongko' niya sa Banal na Kadagaan kun saen ipinaheling saiya an kinamundagan ni Hesus. An popularidad kan belen iyo an nagtaong inspirasyon sa mga Katolikong komunidad na mag'arog.
Mga nakakaibang mga belen poon kaidto makukua na sa enterong kinaban, sa panahon nin Pasko, sa mga simbahan, mga kaharongan, sa mag shopping mall, sa mga parke asin sa iba pang publikong lugar. Sa Estados Unidos, an Metropolitan Museum of Art sa Nweba York taontaon napadayaw kan inapod na Neopolitan Baroque na belen.
Sa Estados Unidos, an pagkaag nin belen sa mga edipisyong pampubliko asin mga dagang pampubliko nagsabrit nin kontrobersya huli ta dai pwede maggastos nin kwarta kan estado sa mga bagay na manongod sa relihiyon.