Back كريس أكينو Arabic كريس اكينو ARZ Kris Aquino Catalan Kris Aquino German Kris Aquino English Kris Aquino Spanish کریس آکینو Persian Kris Aquino ID Kris Aquino ILO Kris Aquino Italian
| Kris Aquino | |
|---|---|
.jpg) Si Aquino kan 2015 | |
| Kamundagan | Kristina Bernadette Cojuangco Aquino Pebrero 14, 1971 Syudad nin Quezon, Filipinas |
| Dinakulaan | Boston, Massachusetts[1] Makati, Filipinas Manila, Filipinas |
| Nasyunalidad | Filipino |
| Alma mater | Ateneo de Manila University |
| Trabaho |
|
| Mga taon na aktibo | 1986–present |
| Ahente | VIVA Entertainment, GMA Network (1986–1996; 2017) ABS-CBN (1996–2016) Star Cinema 2018-present APT Entertainment (2016–2017) East West Artists (2017–presente) Cornerstone Entertainment (2018-presente) |
| Agom | James Yap (2005–2012; annulled) |
| Mga aki | Joshua Philip Aquino (with Philip Salvador) James Aquino Yap (with James Yap) |
| Mga magurang | Benigno Aquino Jr. Corazon Cojuangco-Aquino |
| Sadiring-tao | Benigno Aquino III (tugang na lalaki) |
Si Kristina Bernadette Cojuangco Aquino (namundag, Pebrero 14, 1971), midbid sa saiyang propesyon bilang Kris Aquino, sarong Pilipinang personalidad sa telebisyon asin sa pelikula na naglataw na maray huli sa saiyang mga talk show, game show asin sa saiyang mga pag'endorsar nin mga produkto. Kan Abril 2009 isyu nin magazine na Yes! siya natumoyan na iyo an ika-duwang pinakapoderosong celebrity sa Filipinas.
Si Kris iyo an pinakanguhod na aking babae kan mag'agom na si dating senador Benigno Aquino, Jr. asin si Corazon Cojuangco-Aquino, na iyo an nagsirbe bilang ika-11ng Presidente kan Filipinas. An mga tugang niya iyo sinda: Maria Elena, Aurora Corazon, Benigno Aquino III na iyo an ika-15ng Presidente kan Filipinas na nagserbe poon 2010 sagkod 2016. Nagka'igwa siyang relasyon ki Philip Salvador, sarong aktor na Pilipino, asin may aki siya igdi, si Joshua. Kan 2005 inagom siya ni James Yap, sarong propesyonal na basketbolista, asin igwa sindang sarong aki, si Baby James. Suruway na an duwa poon kan 2012.
Siya pinakainot na nagluwas sa pelikula sa Pido Dida: Sabay Tayo asin namidbid man sa mga paggampan sa mga papel sa makatakot na mga pelikula siring kan Feng Shui asin Sukob, na iyo an may pinakahalangkaw na ganar nin sarong pelikulang Pilipino kan 2006.[2]
Siya midbid man bilang sarong bantogan na artista na taga-endorso nin mga produkto asin pilantropo na nagtutulod nin pagpabantog nin kaaraman dapit sa hilang na lupus, mga katanosan kan kaakian, deretsos nin LGBT, pagpahalaga kan kultura asin arte, katalingkasan kan pagpahayag, asin demokratikong mga pagbabago.[3]
- ↑ "Kris Aquino goes back to Boston in memory of her mother - Push.com.ph". Push.abs-cbn.com. August 21, 1983. Retrieved April 12, 2016.
- ↑ "Claudine Barretto, Kris Aquino share Box Office Queen throne". Pep.ph. April 27, 2007. Archived from the original on March 15, 2009. https://web.archive.org/web/20090315195809/http://www.pep.ph/guide/557/Claudine-Barretto,-Kris-Aquino-share-Box-Office-Queen-throne. Retrieved on March 27, 2020.
- ↑ "Movie review: Kris Aquino is a showstopper in 'Crazy Rich Asians'" (in en). ABS-CBN News. https://news.abs-cbn.com/life/08/22/18/movie-review-kris-aquino-is-a-showstopper-in-crazy-rich-asians.