![]() ![]() ![]() | |
Mikroskopyong imahe nin mga molekula na (1) Perylenetetracarboxylic dianhydride (PTCDA)[1] (2) Pentacene[2] (3) 1,5,9-trioxo-13-azatriangulene[3] |
An molekula (Ingles: molecule) iyo sarong elektrikal na neutral na grupo nin duwa o mas dakul na mga atomo na pigtatakod nin mga sugpong kimikal.[4][5][6][7][8] An mga molekula iyo mabibisto gikan sa mga iyono huli sa saindang kakulangan nin kargang elektrikal. Sa pisikang quantum, organikong kimika, asin biyokimika, an distinksyon gikan sa mga iyono iyo pighahali asin an molekula iyo harus ginagamit sa mga poliatomikong iyono.
Sa kinetikong teorya nin mga gas, an terminong molekula iyo harus ginagamit sa maski anong gas na partikulo nin dawa anong komposisyon. Ini iyo sarong bayolasyon sa depinisyon na an molekula igwa nin duwa o mas dakul na mga atomo, huli ta an mga nobleng gas iyo indibidwal na mga atomo sana.[9]
An molekula pupuwedeng sarong homonukleyar, kun sain, igwa ini nin mga atomo nin sarong elementong kimikal, halimbawa an duwang atomo sa oksihenong molekula (O2); o pwede ining heteronukleyar, sarong kompuwestong kimikal na igwa nin mas dakul sa sarong elemento, halimbawa an tubig (duwang hidrohenong atomo sagkod sarong oksihenong atomo; H2O).
An mga atomo asin mga komplekso na pigtatakod nin mga bakong kovalent na interaksyon, arug nin sugpong hidroheno o sugpong iyoniko, iyo tipikal na dae pigkokonsidera na mga solong molekula.[10]
Ang mga molekula bilang komposisyon nin materya iyo natural na naoobserbahan. Pigbibilog man ninda an harus sa mga kadagatan asin atmospera, Harus nin mga organikong substansya iyo mga molekula. An mga substansya nin buhay iyo mga molekula, halimbawa an mga protina, an asidong amino na nagbibilog sainda, an mga nukleyikong asido (DNA & RNA), asukar, carbohydrates, taba, asin bitamina. An ordinaryong nutriyenteng mineral iyo bakong molekula, arug kan iron sulfate.
Alagad, an mayorya nin pamilyar na mga solidong substansya sa Kinaban iyo dae pigbibilog nin mga molekula. Kabali digdi an gabos nin mga mineral na nagbibilog sa substanya nin Kinaban, daga, ati, baybay, laboy, gapo, asin mga libel nin kadagaan. Gabos ini igwa nin nagkapirang mga sugpong kimikal, pero dae pigbibilog nin mga bistong molekula.
Mayong tipikal na molekula an matatawan nin depinisyon para sa mga asin o mga kovalent na kristal, alagad an mga ini harus pigbibilog nin mga uru-utrong selulang yunit na minalakop sa sarong plane, halimbawa an graphene; o tolong-dimensyonal, halimbawa an diamante, quartz, sodyong klorido (tabletang asin). An tema nin uru-utrong selulang yunit na istraktura iyo aplikable man sa kadaklan nin mga metal na iyo kondensadong porma sa pagsugpong metaliko, kun sain an mga solidong metaliko iyo dae pigbibilog nin mga molekula.
Sa mga salming, na iyo mga solido na yaon sa mayong order na istado, an mga atomo iyo pigtatakod nin mga sugpong kimikal sa mayong presensya nin maski anong bistadong molekula o maski anong regularidad nin uru-utrong selulang yunit na istraktura na nagkakarakterisa sa mga asin, kovalent na kristal, sagkod metal.