Back Mistichthys luzonensis Catalan Mistichthys luzonensis CEB Sinarapan English Mistichthys luzonensis Spanish Mistichthys luzonensis Basque Mistichthys luzonensis Dutch Babka filipińska Polish Мистихтис Russian Mistichthys luzonensis Serbian Mistichthys luzonensis Swedish
| Mistichthys luzonensis | |
|---|---|
| |
| Sayantipiko na klasipikasyon | |
| Kahadean: | |
| Paylo: | |
| Klase: | |
| Orden: | |
| Pamilya: | |
| Genus: | Mistichthys H. M. Smith, 1902
|
| Espesyes: | M. luzonensis
|
| Ngaran binomyal | |
| Mistichthys luzonensis H. M. Smith, 1902
| |
| Sinonimo | |
| |
An tabyos[2] o sinarapan (Mistichthys luzonensis; Smith, 1902) sarong species nin sira sa pamilya nin goby, Gobiidae, asin iyo-iyong kaapil sa genus na Mistichthys. Ini natural nanggad sa Filipinas, partikular sa kasalogan nin Bicol asin sa mga danaw nin Buhi, Bato, Katugday asin Manapaw sa probinsya nin Camarines Sur. Sa mga kasalogan asin sa sabang kan Calabanga, igwa man makukuang tabyos alagad sinasabi mas doro-dakula sa mga tabyos na yaon sa ibang lugar. An tabyos manilag-silag na may butik-butik na dikit asin itom na mata, nalaba abot 2.5 sentimetro pero an kasyahan kaini naabot sanang 9-14 milimetro. Sa mga danaw, hanggilid sana ining maglangoy-langoy asin nakaabot sa rarom na 12 metro. An lalaki kan tabyos mas suru-saradit sa babae. Sinasabing ini natago na sa irarom kan tubig kun an saldang maragit na asin pa-udto na an oras. [3][4]
Ini na an pinakasadit na sirang pangkomersyal sa bilog na kinaban mala ta nasambit ini sa Guinness Book of Records na iyo na "an pinakasadit na sirang kakanon".[5] Sadit na maray ini ta an sarong ribo pwedeng makaigo sa sarong kutsara. Sinasabing medyo napapangana an pagdakop kaini orog na ta ugale kan mga tabyos maggipaw asin madaling dakopon ta sinasarap an mga ini sa laog kan abung kun saen sinda natitipon ta ginigiya kan pagtipon kan ikinaag na sakag, mala ta madali nang mapuho an specie asin karamas-kamas na an gobyerno na maligtas ini sa pagkawarâ.
Sinasabi man na an tabyos sa Calabanga maputi, an sa Bato mapula-pula asin an sa Buhi garo aro-abohon sa kolor.
.jpg)
- ↑ World Conservation Monitoring Centre. 1996. Mistichthys luzonensis. In: IUCN 2013. IUCN Red List of Threatened Species. Version 2013.1. Downloaded on 07 September 2013.
- ↑ [1] tabyos. Vocabulario de la lenguja bicol. pahina 365. Kinua 01-09-22
- ↑ http://www.fishbase.org/summary/Mistichthys-luzonensis.html Kinua 18.12.14
- ↑ http://www.bar.gov.ph/digest-home/digest-archives/91-2003-2nd-quarter/3247-apr-june03-sinarapan-swims-home Archived 2014-08-09 at the Wayback Machine. Kinua 18.12.14
- ↑ http://www.fishbase.org/summary/Mistichthys-luzonensis.html Kinua 18.12.14