Netscape Navigator

Netscape Navigator
Тып	браўзер
Распрацоўшчык	Netscape[d] і AOL
Першы выпуск	15 снежня 1994
Апошняя версія	9.0.0.6 (28 лютага 2008)
Сайт	archive.netscape.com (англ.)
Медыяфайлы на Вікісховішчы

Netscape Navigator — прапрыетарны вэб-браўзер, створаны кампаніяй Netscape Communications Corp у 1994 годзе.

На працягу 1990-х Netscape Navigator заставаўся тэхнічным лідарам сярод вэб-браўзераў. Netscape прадставіла ў 1994 годзе паказ вэб-старонак на ляту — тэкст і графіка з’яўляліся на экране па меры спампоўкі вэб-старонкі. Ранейшыя вэб-браўзеры не паказвалі старонку, пакуль уся графіка на ёй не была спампавана — карыстальнік бачыў пустую старонку на працягу некалькіх хвілін. Інавацыямі Netscape Navigator былі таксама файлы cookie, фрэймы,^[1] аўтаматычная канфігурацыя проксі-сервераў^[2] і JavaScript.

Браўзер быў даступны для шырокага спектру аперацыйных сістэм: Windows (3.1, 95, 98, NT), Macintosh, Linux, OS/2,^[3] многіх версій Unix, уключаючы OSF/1, Sun Solaris, BSD — і выглядаў і працаваў амаль аднолькава на кожнай з іх.

Netscape Navigator дамінаваў на рынку браўзераў у 1990-х гадах, аднак у выніку так званай першай вайны браўзераў — у тым ліку антыканкурэнтнага выкарыстання ў Windows браўзера Internet Explorer — страціў сваю ролю. Доля Netscape Navigator на рынку была больш за 90 працэнтаў у сярэдзіне 1990-х і паступова зменшылася да менш чым аднаго працэнта ў 2006 годзе.

28 снежня 2007 года распрацоўка браўзера была спынена, падтрымка з абнаўленнямі бяспекі працягвалася да 1 сакавіка 2008 года.

1. ↑ Ladd, Eric. Using HTML 3.2, Java 1.1, and CGI; Ch. 13, Frames (нявызн.). Архівавана з першакрыніцы 30 October 2007.
2. ↑ Navigator Proxy Auto-Config File Format. dead (нявызн.). Архівавана з першакрыніцы 18 December 2006.
3. ↑ Watson, Dave. A Quick Look at Netscape. live (нявызн.). The Southern California OS/2 User Group (21 ліпеня 2001). Архівавана з першакрыніцы 16 July 2011.