Parlophone

Parlophone
Тып	лэйбл гуказапісу і таварны знак
Заснаванне	1896
Заснавальнікі	Carl Lindström A.G.[d]
Краіна	Вялікабрытанія  ЗША
Матчына кампанія	Warner Music Group
Сайт	parlophone.co.uk (англ.)

Parlophone Records («Парлафо́н рэ́кардз») — брытанскі лэйбл гуказапісу, заснаваны ў 1923 годзе ў якасці філіяла германскага лэйбла Parlophon (уваходзіў у склад кампаніі Carl Lindstrom). З 1923 па 1955 гг. менеджарам музычнага аддзела лэйбла быў Оскар Прэйс. У 20-я гг. Parlophone Records стаў вядучым джазавым лэйблам у Вялікабрытаніі дзякуючы пласцінкам, выпушчаным па ліцэнзіі амерыканскага Okeh Records. У 1927 годзе брытанскі Columbia Graphophone набыў кампанію Carl Lindstrom (і, адпаведна, Parlophone Records). У 1931 годзе Columbia Graphophone і Gramophone аб’ядналіся ў кампанію EMI, і лэйбл Parlophone Records перайшоў у ведамства EMI.

EMI адвялі Parlophone Records выпуск запісаў гутарковага і камедыйнага жанру, а таксама музыкі, якая не паддаецца катэгарызацыі. У 1955 годзе Прэйс выйшаў на пенсію, і яго месца заняў Джордж Марцін, які працаваў на Parlophone з 1950 года. Поспех да лэйбла, які дзесяцігоддзі заставаўся малапрыкметным, прыйшоў у 1962 годзе пасля падпісання кантракту з The Beatles, пласцінкі якіх неўзабаве ператварылі Parlophone Records у адну з самых папулярных фірмаў гуказапісу. Пасля на лэйбле запісваліся Queen, Pet Shop Boys, Blur, Radiohead і інш.