Mesigit[1][2][3][4] (hurup Arab Gundul: مسيݢت) atawa mesjid[4] (hurup Arab Gundul: مسجد) atawa mejid (hurup Arab Gundul: مجيد) atawa tajur[2] (hurup Arab Gundul: تاجور) entu tempat bakal orang Selam pada sembahyang. Kata mesjid sendèwèk asalnya deri basa Arab مسجد masjid 'tempat bakal sujud'. Adapun mesigit nyang rada gedéan digero'nya mesigit jami' atawa mesjid jami' (basa Arab: جامع jāmiʿ 'nyang ngamprogin'). Ni setilah punya engehan medu ama laèn-laèn agama Ibrahimiah punya tempat ibadah, kaya' orang Yahudi punya tempat ibadah בֵּית כְּנֶסֶת bêṯ kəneseṯ 'ruma pekumpulan' èn orang Serani punya tempat ibadah – ἐκκλησία ekklēsía 'tempat ngumpul, petimbrungan'.