Pesema'muran Ostrali Commonwealth of Australia (Inggris) | |||
| |||
![]() | |||
Ibu negeri | Kambèra | ||
Nama pengendek | Ostrali |
Ostrali (hurup Arab Gundul: استرالى) atawa Pesema'muran Ostrali (hurup Arab Gundul: فسمعموران استرالى; basa Inggris: Commonwealth of Australia) ièlah atu negara nyang ada nempatin seruruh bilangan Benua Ostrali, sekalian Pulo Tasmani ama sekuliling pulo-pulo kecil kiterannya. Mengka ntu, ni negara punya poyokan Negara Benua (Continental Country). Ostrali tetanggaan ama negara nyang ada sekulilingnya, ada Indonésia, Timor Wètan, ama Papua Giné Baru di blilir, Kepuloan Suléman, Wanuatu, ama Kalédoni Baru di blètan-laut, ama Selandia Baru di blètan-ilir. Hopstadnya[1] entu Kambèra (basa Inggris: Canberra) trus kota' paling gedénya entu Sidni (basa Inggris: Sydney). Ni negara ada kebekèn sebagé negara nyang paling jembar keenem di dunia', dengen luasnya bangsa 7.692.024 km2.