Kiblik Ra'yat Tiongkok 中华人民共和国 (Mandarin)[1] Zhōnghuá Rénmín Gònghéguó | |||
| |||
![]() | |||
Ibu negeri | Pèking | ||
Nama pengendek | Tionghoa Cina |
Tiongkok (hurup Arap gundul: تيوڠكوق; Aksara Cina Ringkes: 中国; Aksara Cina Terdisionil: 中國; basa Koanwé/Mandarin: Zhōngguó; basa Hokkièn: Tiong-kok) atawa nama resminya Républik Ra'yat Tiongkok (hurup Arap gundul: ريفوبليك رعية تيوڠكوق; Aksara Cina Ringkes: 中华人民共和国; Aksara Cina Terdisionil: 中華人民共和國, Zhōnghuá Rénmín Gònghéguó; basa Hokkièn: Tiong-hôa Jîn-bîn Kiōng-hô-kok) atawa umumnya digero' Cina (hurup Arap gundul: چين) ièlah atu negara nyang dia punya letak ada di Asia Wètan. Tiongkok punya hopstad[2] – Pèking, cuman kota paling gedénya Sanghay. Ini negara – negara nyang dia punya penduduk kedua paling banyak di dunia dengen jumblah penduduknya 1.411.750.000 orang, seabisnya lama jadi nomor atunya, sekarang kesalip Negeri Hindi.[3] Kepadetan penduduknya – 145 orang/km2; èn luasnye – 9.706.961 km2 atawa nomor 3 paling luas di dunia.
Tiongkok entuh negara nyang dia punya èkonomi kedua paling hèbring di dunia, abisnya Amrik Serèkat, dengen jumblah GDP 12.382 triliun dolar amrik selamanya tahon 2012. Cuman, lantaran dia punya penduduk setumbra-tumbra, pendapetan per kapitanya cumen $9.146 dolar amrik. Mangkanya, ni negara masing dikata 'negara bekembang'.