Sapi

?Sapi
Sapi Holstein
Klasifikasi ilmiah
Karajaan: Animalia Filum: Chordata Kelas: Mammalia Ordo: Artiodactyla Famili: Bovidae Upafamili: Bovinae Genus: Bos Spesies: B. taurus
Nama binomial
Bos taurus Linnaeus, 1758

Sapi ternak adalah binatang ternak angguta familia Bovidae wan subfamilia Bovinae. Sapi di'ingu tautama gasan dimanfaatakan susu wan dagingnya gasan bahan makanan. Hasil nang lainnya, nangkaya kulit, paparutan, wan tanduknya dimanfaatakan jua. Di sapalihan dairah, sapi gin dipakai gasan manggani'i bahuma, kaya manarik garubak atawa bajak.

Sapi tarnak wayahini adalah katurunan matan sapi nang liar nang dipinandui sabagai Auerochse atawa Urochse (bahasa Jérman baarti "sapi bahari", ngaran ilmiahnya : Bos primigenius^[1]), nang sudah kadada lagi di Irupa mulai tahun 1627. Biar Sapi tarnak banyak macamnya tapi intinya digulungakan manjadi sabuting spésiés haja.

Parlu dikatahui jua bahwa sapi bali nang ditarnakakan di Indunisia balain macamnya lawan sapi tarnak nang dimaksud di dalam artikel ngini.

1. ^ B. primigenius dinyataakan kada palit ulih ITIS, tagal di tahun 2003, Kumisi Antarabangsa Tatangaran Zoologi mampartahanakan 17 ngaran spésiés binatang purba liar nang dianggap datu bantuk doméstik, tamasuk sapi. Ngaran B. primigenius taurus tatap kawa dipakai gasan sapi tarnak, baimbai lawan B. taurus.