Asam

Asam (অসম [asam] en asameg, yezh pennañ ar vro), pe Assam diwar skouer ar saozneg, zo unan eus stadoù India. Tremen 26 milion a annezidi zo en Asam (2001), war ur gorread 78 438 km². Guwahati eo kêr vrasañ Asam met Dispur, e tolpad-kêrioù Guwahati, eo ar gêr-benn. An div yezh pennañ komzet er stad eo an asameg hag ar banglaeg (bengali); yezhoù all a vez kaozeet eno ivez evel ar yezhoù bodek, anezho yezhoù tibetek komzet ivez e Bhoutan.

En-dro da Asam emañ stadoù Arunachal Pradesh, Nagaland, Manipur, Mizoram ha Tripura en hanternoz hag er reter, Meghalaya er c'hreisteiz ha Kornôg Bengal er c'hornôg. Harzoù en deus ivez gant Bhoutan er gwalarn ha Bangladesh er mervent.

Brudet eo plantadegoù te Asam.