| Mark Kerrain | |
|---|---|
 Mark Kerrain, e miz Gouere 2009, e staj KEAV e Kastellin. | |
| Anv ofisiel | Marc Kerrain |
| Anv pluenn | Mark Kerrain Sacha Bounta Joran ar Grug |
| Obererezh | Kelenner Troer Yezhadurour |
| Ganedigezh | e 1952 e Runan,  Breizh
|
| Yezh skrivañ | Brezhoneg ha galleg |
| Enorioù | Gant troidigezhioù : |
| Oberennoù pennañ | |
| Ni a gomz brezhoneg Teurel blaz war ar yezh Harry Potter ha maen ar furien (Troidigezh) | |
kemmañ  |
|
Mark Kerrain, zo bet ganet e Runan (Bro-Dreger) d'an 19 a viz Du 1952. Kelenn a ra brezhoneg er skol-noz e Roazhon adalek 1969 : da gentañ e voe gant Skol an Emsav e-pad un 20 vloaz bennak, ha goude gant Sav-Heol, adalek 1991 betek 2011. Unan eus paotred skipailh Yod-Kerc'h eo bet, evel un toullad studierien er bloavezhioù 1970. Bet eo e-touez saverien Unvaniezh ar Gelennerien Brezhoneg e 1980 gant Tudual Kalvez ha Jean-Claude Morvan ha Beatris Jouin. Kelenner brezhoneg eo e Skol-veur Breizh-Uhel goude bezañ bet pell amzer o vont a lise da lise. Skrivet en deus meur a bennad e-barzh Al Liamm ha Bremañ, troet danevelloù ha romantoù, savet un nebeud kontadennoù hag un toulladig kanaouennoù, darn anezho evit ar vugale, hag aozet danvez-kelenn.