Ar muzul (liester : muzulioù) eo an niver a vez eztaolet dre jediñ ur c'hementad dre gemer evel diazez ur c'hementad all lakaet da unanenn.
Muzuliet e vez traezoù, pe anadennoù ar fizik. Implijet e vez ar muzulioù e meur a zegouezh, koulz er vuhez pemdeziek ha war tachennoù an arsellerezh skiantel. Da skouer : un tolz zo e pep tra ha pep den, a c'heller muzuliañ e kilogrammoù, unan eus ar muzulioù degemeret er Reizhiad unanennoù etrebroadel.
A-douez ar perzhioù fizikel a vez muzuliet diehan e c'heller menegiñ an hirder, an uhelder, ar skinoberiegezh, an tolz, an tizh, ar gwrezverk, ar gwask, al labour hag all.
Evit muzulioù fizikel a zo e vez fardet, pe dermenet, ur patrom fetis evit an unanenn, a reer "stalon" pe "skouer" anezhañ.