Back خوخ ARZ Préssec Catalan ГӀаммагӀа CE Broskev Czech Ροδάκινο Greek Peach (fruit) English Persiko Esperanto Pêche (fruit) French Pexego Galician Persica Interlingua
Ar pechez zo frouezh ar gwez-pechez (Prunus persica).
Doare ar voulouz zo gant o flusk arvelen pe orañjez. E-kreiz o bouedenn, chugonus ha sukret, ez eus un askorn, evel er c'herez, en abrikez pe er prun. Meur a seurtad pechez zo, diseurt o stumm ha liv o flusk, lod gant ur vouedenn wenn ha lod all gant ur vouedenn velen.
Frouezh eus Sina e oant gwechall hag eno e voe gounezet ar gwez-pechez evit ar wech kentañ. Goude e voent degaset da vroioù ar Reter Nesañ ha da vare Aleksandr Veur e errujont en Europa. Eus ar galleg eo deuet ar ger brezhonek pechez (pesches er Grennamzer)[1] hag eus al latin pessica, persica e teue ar ger gallek, met malum persicum e oa anv latin kentañ ar frouezh-se, da lavaret eo "aval Persia"[2].
- ↑ French Loanwords in Middle Breton, Arzel Even, 1973, p. 154
- ↑ Trésor de la Langue Française