Back جبل پلينليمون ARZ Plynlimon Fawr CEB Pumlumon Fawr Welsh Plynlimon English Pumlumon Spanish Plynlimon Basque Plynlimon French Pumlumon Fawr LLD Plynlimon NB Plynlimon Fawr Swedish
Pumlumon (Plynlimon e saozneg) eo ar menez uhelañ e kreiz Kembre, e menezeg an Elenydd, e hanternoz Ceredigion. Tor hanternoz ar menez zo roc'hellek, tra m'eo taouarc'hek tostal ar c'hreisteiz.
Pemp kern pennañ zo :
- Pen Pumlumon Fawr (752 m), an hini uhelañ
- Pen Pumlumon Arwystli (741 m)
- Y Garn (Pumlumon) (684 m)
- Pumlumon Fach (668 m)
- Pumlumon Cwmbiga (620 m)
"Siminal" eo ster ar ger llumon. Neuze e talvez "Pumlumon" kement hag ar "pemp siminal".
En em astenn a ra Pumlumon e biz Ceredigion, en tolead a zo etre Aberystwyth er c'hornôg, Machynlleth en hanternoz, Llanidloes er reter ha Ponterwyd er c'hreisteiz. Eno emañ eienenn stêr hirañ Kembre, ha Breizh-Veur, ar stêr Havren, hag eien stêrioù all ivez, evel ar Gwy hag ar Rheidol. Er c'hornôg d'ar menez emañ lenn Nant-y-moch.