Aber-nant, Sir Gaerfyrddin

Aber-nant

Math	cymuned, pentrefan
Poblogaeth	297, 288
Daearyddiaeth
Sir	Sir Gaerfyrddin
Gwlad	Cymru
Arwynebedd	2,204.79 ha
Cyfesurynnau	51.8814°N 4.4167°W
Cod SYG	W04000490
Cod OS	SN340232
Cod post	SA33
Gwleidyddiaeth
AS/au Cymru	Samuel Kurtz (Ceidwadwyr)
AS/au y DU	Simon Hart (Ceidwadwr)
Ffeiliau perthnasol ar Comin
[golygwch ar Wicidata]

Am leoedd eraill o'r un enw, gweler Abernant (gwahaniaethu).

Pentref a chymuned yn Sir Gaerfyrddin yw Aber-nant^[1] (hefyd: Abernant). Yn Saesneg tueddir i ddefnyddio'r sillafiad "Abernant",^[2] a arferid gynt yn Gymraeg cyn y safoni a fu ar sillafiadau enwau lleoedd Cymru yn 1957.^[3]

Saif Aber-nant ar ffordd gefn, saith milltir i'r gogledd-orllewin o dref Caerfyrddin.

Cysegrwyd yr eglwys i'r Santes Lucia, a cheir cofnod ati yn 1197 sy'n cyfeirio at gysylltiad a Phriordy Sant Teilyddog. Mae mynwent yr eglwys o faint anarferol, dros bedair erw a hanner, gyda nant yn rhedeg trwyddi. Gwaharddwyd claddu ar ochr ddwyreiniol y nant ers yr 19g pan gladdwyd cannoedd o bobl tref Caerfyrddin yno adeg y pla.

Gerllaw mae Castell Dwyran, lle cafwyd hyd i garreg goffa, yn dwyn yr arysgrif Ladin Memoria Voteporigis Protictoris a'r enw "Votecorigas" mewn llythrennau Ogam; yn ôl pob tebyg carreg fedd y Vortiporius (Gwrthefyr) sy'n cael ei gondemnio gan Gildas.

Cynrychiolir yr ardal hon yn Senedd Cymru gan Samuel Kurtz (Ceidwadwyr)^[4] ac yn Senedd y DU gan Simon Hart (Ceidwadwr).^[5]

1. ↑ "Rhestr o Enwau Lleoedd Safonol Cymru". Llywodraeth Cymru. 13 Hydref 2021.
2. ↑ British Place Names; adalwyd 7 Gorffennaf 2021
3. ↑ Rhestr o Enwau Lleoedd: A Gazetteer of Welsh Place-names, gol. Elwyn Davies (Pwyllgor Iaith a Llenyddiaeth Bwrdd Gwybodau Celtaidd Prifysgol Cymru, 1996)
4. ↑ Gwefan Senedd Cymru
5. ↑ Gwefan Senedd y DU