Avon (sir)

Avon

Math	sir an-fetropolitan, cyn endid gweinyddol tiriogaethol, siroedd seremonïol Lloegr
Sefydlwyd	1 Ebrill 1974
Daearyddiaeth
Gwlad	Lloegr
Cyfesurynnau	51.45°N 2.583°W
Ffeiliau perthnasol ar Comin
[golygwch ar Wicidata]

Am leoedd eraill o'r un enw gweler Avon.

Sir yn rhanbarth De-orllewin Lloegr oedd Avon. Fe'i crëwyd fel sir an-fetropolitan dan Ddeddf Llywodraeth Leol 1972, ar 1 Ebrill 1974 o fwrdeistrefi sirol Bryste a Chaerfaddon gyda rhannau o Swydd Gaerloyw a Gwlad yr Haf, ac fe'i diddymwyd ar 31 Mawrth 1996. Fe'i henwyd ar ôl Afon Avon sy'n llifo trwyddi.

Roedd gan y sir arwynebedd o 1,346 km² gyda poblogaeth o 900,416 yng nghyfrifiad 1981. Roedd yn ffinio ar Swydd Gaerloyw i'r gogledd, Wiltshire i'r dwyrain, Gwlad yr Haf i'r de, a Môr Hafren i'r gorllewin.

Rhennid y sir yn chwech ardal an-fetropolitan:

1. Northavon
2. Bryste
3. Kingswood
4. Woodspring
5. Wansdyke
6. Caerfaddon

Diddymwyd y sir ym 1996. Fe'i disodlwyd gan bedwar awdurdod unedol:

• Dinas Bryste, a ddaeth yn swydd seremonïal hefyd
• De Swydd Gaerloyw, a ddaeth yn rhan o swydd seremonïal Swydd Gaerloyw
• Gogledd Gwlad yr Haf, a ddaeth yn rhan o swydd seremonïal Gwlad yr Haf
• Caerfaddon a Gogledd-ddwyrain Gwlad yr Haf, a ddaeth yn rhan o swydd seremonïal Gwlad yr Haf hefyd