Back Аболгар бызшәа Abkhazian Bulgaars Afrikaans Bulgarische Sprache ALS ቡልጋርኛ Amharic Idioma bulgaro AN बल्गेरियाई भाषा ANP اللغة البلغارية Arabic لغه بلجارى ARZ Idioma búlgaru AST Bolqar dili Azerbaijani
| Bwlgareg (български език bǎlgarski ezik) | |
|---|---|
| Siaredir yn: | Bwlgaria |
| Parth: | De-ddwyrain Ewrop |
| Cyfanswm o siaradwyr: | 9.1 miliwn (Ethnologue) |
| Safle yn ôl nifer siaradwyr: | {{{safle}}} |
| Achrestr ieithyddol: | Ieithoedd Indo-Ewropeaidd Balto-Slafeg |
| Statws swyddogol | |
| Iaith swyddogol yn: | Bwlgaria |
| Rheolir gan: | Institiwt yr Iaith Fwlgareg, Academi Gwyddorau Bwlgaria (Институт за български език) |
| Codau iaith | |
| ISO 639-1 | bg |
| ISO 639-2 | bul |
| ISO 639-3 | bul |
| Gweler hefyd: Iaith – Rhestr ieithoedd | |
Iaith Slafeg Ddeheuol yw Bwlgareg. Heddiw iaith swyddogol Bwlgaria yw hi, ac, yn ôl cyfrifiad Bwlgaria 2001, mae 6,697,158 o bobl yn siarad Bwlgareg fel mamiaith ym Mwlgaria (84.5% o'r boblogaeth). Ceir lleiafrifoedd Bwlgareg eu hiaith yn Wcrain, Gwlad Groeg, Twrci ac yn gyffredinol dros wledydd y Balcanau. Mae cyfanswm o 8–9 miliwn o bobl yn ei siarad. Ysgrifennir Bwlgareg â'r wyddor Gyrilig. Mae cyfnodion yr iaith yn dyddio i'r 9g, pan gynhyrchiwyd nifer o lawysgrifau ym Mwlgaria yn Hen Slafoneg Eglwysig, iaith lenyddol gyntaf y Slafiaid, wedi'i seilio ar dafodieithoedd Slafeg Macedonia a Bwlgaria. Parhaodd traddodiad llenyddol llewyrchus yn yr iaith yn y cyfnod Bwlgareg Canol (12g – 15g), ond dirywiodd ei statws yn ystod rheolaeth yr Otomaniaid. Crëwyd iaith safonol newydd yn y 14g fel rhan o ddiwygiad cenedlaethol Bwlgaria. Mae'r iaith gyfoes yn wahanol iawn i Hen Slafoneg Eglwysig. Mae wedi colli'r system gymhleth o gyflyrau enwol oedd gan yr iaith honno, ac wedi profi nifer o gyfnewidiadau fel rhan o ardal ieithyddol y Balcanau sydd wedi dod â hi'n nes yn ei strwythur at ieithoedd o grwpiau eraill megis Groeg, Albaneg, Rwmaneg a Thyrceg.