Back سيريديجيون (دائرة انتخابية في المملكة المتحدة) Arabic Ceredigion (UK Parliament constituency) English Ceredigion (circonscription du Parlement britannique) French Ceredigion (Toghcheantar na Ríochta Aontaithe) Irish Collegio di Ceredigion Italian 錫爾迪金 (英國國會選區) Chinese
| Etholaeth Sir | |
|---|---|
| |
| Ceredigion yn siroedd Cymru | |
| Creu: | 1536 |
| Math: | Tŷ'r Cyffredin |
| AS presennol: | Ben Lake (Plaid Cymru) |
Mae etholaeth Ceredigion yn ethol aelod i senedd San Steffan. Ben Lake (Plaid Cymru) yw'r aelod seneddol presennol.
Cyn i Elystan Morgan ennill y sedd ym Mawrth 1996 Roderic Bowen oedd yr Aelod Seneddol. Roedd Elystan yn gyn-aelod o Blaid Cymru ond roedd wedi cael ei ddadrithio gan fethiant y blaid i ennill seddau ac ymunodd â'r Blaid lafur ar ôl etholiad cyffredinol 1964. Collodd y sedd yn Chwefror 1974 i Geraint Howells, Rhyddfrydwr ac amaethwr lleol. Roedd Elystan wedi digio nifer o gefnogwyr y Blaid wedi iddo ochri gyda charfan Seisnig ym Mhlaid Lafur yr etholaeth a oedd yn uchel eu cloch yn erbyn sefydlu ysgol gyfun ddwyieithog yn Aberystwyth.
Yn 1983 newidiwyd ffiniau'r etholaeth i gynnwys gogledd Penfro yn ogystal.
Yn 1992 enillodd Cynog Dafis y sedd oddi wrth Geraint Howells gan ddod o'r bedwaredd safle yn yr etholiad flaenorol. Roedd Cynog yn cynrychioli Plaid Cymru a'r Blaid Werdd leol hefyd.