Colomen wyllt

Colomen Wyllt
Statws cadwraeth
Pryder lleiaf  (IUCN 3.1)
Dosbarthiad gwyddonol
Teyrnas:	Animalia
Ffylwm:	Chordata
Dosbarth:	Aves
Urdd:	Columbiformes
Teulu:	Columbidae
Genws:	Columba
Rhywogaeth:	C. oenas
Enw deuenwol
Columba oenas Linnaeus, 1758

Aderyn o deulu'r colomennod, Columbidae, yw'r Golomen Wyllt (Columba oenas). Mae'n byw mewn coetir a ffermdir ar draws Ewrop ac yng ngogledd-orllewin Affrica, gorllewin Siberia a rhannau o dde-orllewin a chanolbarth Asia. Mae'n dodwy un neu ddau ŵy gwyn mewn twll mewn coeden, adeilad neu glogwyn.^[1] Mae'n bwydo ar hadau, dail, blagur a blodau gan amlaf.^[1]

Mae'n 32–34 cm o hyd ac mae'n pwyso 250-350 g.^[1] Mae ganddi blu llwydlas gyda darn gwyrdd gloyw ar y gwddf. Yn yr awyr, mae gan ei hadenydd ymylon du ac mae darn llwydlas golau yng nghanol yr adenydd. Mae'r Golomen Wyllt yn debyg i'r Ysguthan ond yn llai a does ganddi ddim darnau gwyn ar yr adenydd a gwddf.

1. ↑ ^{1.0 1.1 1.2} Snow, D. W. & C. M. Perrins (1998) The Birds of the Western Palearctic: Concise Edition, Vol. 1, Oxford University Press, Rhydychen.