Dale

Dale

Math	pentref, cymuned
Poblogaeth	180
Daearyddiaeth
Ardal warchodol	Parc Cenedlaethol Arfordir Penfro
Sir	Sir Benfro
Gwlad	Cymru
Yn ffinio gyda	Herbrandston
Cyfesurynnau	51.7069°N 5.1711°W
Cod SYG	W04000423
Cod OS	SM809057
Gwleidyddiaeth
AS/au Cymru	Paul Davies (Ceidwadwyr)
AS/au y DU	Stephen Crabb (Ceidwadwr)
Ffeiliau perthnasol ar Comin
[golygwch ar Wicidata]

Pentref a chymuned yn Sir Benfro, Cymru, yw Dale.^[1] Saif ar arfordir i'r gogledd-orllewin o Aberdaugleddau. Saif yn y rhan Saesneg o Sir Benfro, ac nid ymddengys fod enw Cymraeg iddo. Daw'r enw "Dale" o'r Hen Norseg Dalr ("dyffryn"). Gerllaw mae Llwybr Arfordir Sir Benfro.

Cynrychiolir yr ardal hon yn Senedd Cymru gan Paul Davies (Ceidwadwyr)^[2] ac yn Senedd y DU gan Stephen Crabb (Ceidwadwr).^[3]

Ceir caer o'r cyfnod Fictoraidd yn y pentref, sy'n awr yn ganolfan astudiaethau maes bioleg y môr, daeareg a phynciau tebyg. Effeithiwyd ar yr ardal pan gollwyd 72,000 tunnell o olew i'r môr wedi i'r llong Sea Empress fynd ar y creigiau gerllaw ar 15 Chwefror 1996.

Gerllaw Dale, ym Mae Pont y Pistyll, y glaniodd Harri Tudur yn 1485 i ddechrau'r ymgyrch a arweiniodd at fuddugoliaeth Brwydr Maes Bosworth a'i goroni fel Harri VII.

1. ↑ "Rhestr o Enwau Lleoedd Safonol Cymru". Llywodraeth Cymru. 14 Hydref 2021.
2. ↑ "Gwefan Senedd Cymru". Archifwyd o'r gwreiddiol ar 2021-11-10. Cyrchwyd 2021-11-10.
3. ↑ Gwefan Senedd y DU