Din Gwrygon

Din Gwrygon

Math	mynydd, coedwig frenhinol
Daearyddiaeth
Sir	Swydd Amwythig
Gwlad	Lloegr
Uwch y môr	1,335 troedfedd
Cyfesurynnau	52.6692°N 2.5514°W
Manylion
Amlygrwydd	978 troedfedd
Rhiant gopa	Kinder Scout
Cadwyn fynydd	Shropshire Hills
Ffeiliau perthnasol ar Comin
[golygwch ar Wicidata]

Bryn yn nwyrain Swydd Amwythig, Gorllewin Canolbarth Lloegr, yw Din Gwrygon (Saesneg: The Wrekin). Saif rhwng trefi Amwythig i'r gorllewin a Telford i'r dwyrain. Ei uchder yw 407m.

Ceir bryngaer Geltaidd 8 hectar ar ei gopa. Mae ar diriogaeth llwyth y Cornovii ac mae rhai archaeolegwyr wedi dadlau ei bod yn "brifddinas" i'r llwyth. Ei enw gwreiddiol oedd Uriconio neu Uriconion ym Mrythoneg, sy'n rhoi 'Gwrygon' yn Gymraeg a 'Wrekin' yn Saesneg. Credir iddi roi ei henw i ddinas Rufeinig Viroconium Cornovium, prifddinas y Cornovii yn y cyfnod Rhufeinig, tua 5 milltir i'r gorllewin (safle Wroxeter heddiw).

Mae rhai ysgolheigion yn cynnig Din Gwrygon fel lleoliad Pengwern, llys brenhinoedd cynnar teyrnas Powys, ond does dim sicrwydd am hynny (posiblrwydd arall yw safle tref Yr Amwythig heddiw).

Enw arall ar Din Gwrygon yng nghyfnod y Normaniaid oedd 'Mont Gilbert', ar ôl meudwy a aeth i fyw ar ei gopa.