Back جبل بوقرنين Arabic Джебел Букорнин Bulgarian Jebel Bou Kournine (bukid sa Gouvernorat de Tunis) CEB Djebel Boukornine German Jebel Boukornine English Djebel Boukornine French Jebel Boukornine ID Djebel Boukornine Italian Jebel Boukornine LLD Джебель-Букорнин Russian
 | |
| Math | mynydd  |
|---|---|
| Daearyddiaeth | |
| Sir | Ben Arous |
| Gwlad |  Tiwnisia |
| Uwch y môr | 576 metr |
| Cyfesurynnau | 36.705°N 10.3333°E, 36.6903°N 10.3628°E |
| Cadwyn fynydd | Dorsal Tiwnisia |
 | |
Mynydd trawiadol sy'n dominyddu Gwlff Tiwnis yng ngogledd Tiwnisia yw Djebel Bou Kornine (Arabeg: جبل بوقرنين), hefyd Djebel Boukornine neu Bou Kornine/Boukrnine; Bou Garnine ar lafar), sy'n codi i uchder o 576 metr uwchben trefi Hammam Lif a Borj Cedria yn nhalaith Ben Arous, ger Tiwnis. Mae'r mynydd calchfaen hwn yn cynrychioli un o'r copaon olaf cadwyn Dorsal Tiwnisia i gyfeiriad y dwyrain.
Daw'r enw o'r Arabeg dafodieithol bou garnine sy'n golygu "mynydd â dau gorn". Fe'i gelwir felly oherwydd ei ddau gopa gefaill (576m a 493 m). Mae'n bosibl fod yr enw yn tarddu o gyfnod u Carthaginiaid pan gafodd ei gysegru i'r duw Baal Karnine ('duw dau gorniog' yn yr iaith Ffeniceg).
Mae'n rhan o Barc Cenedlaethol Boukornine, parc bychan o 1939 hectar sy'n gartref i sawl rhywogaeth o anifeiliaid a phlanhigion. Gorchuddir llethrau'r mynydd â phinwydd Aleppo bytholwyrdd.
Lleolir gorsaf ddarlledu radio a theledu ar gyfer Tiwnis Fwyaf ger y copa. Gellir cyrraedd y llethrau uchaf ar hyd ffordd jip o Borj Cedria.