Etholiad cyffredinol y Deyrnas Unedig, 1918

Etholiad cyffredinol y Deyrnas Unedig, 1918

Enghraifft o'r canlynol	Etholiad cyffredinol y Deyrnas Unedig
Dyddiad	14 Rhagfyr 1918
Rhagflaenwyd gan	Etholiad cyffredinol y Deyrnas Unedig yng Nghymru, Rhagfyr 1910
Olynwyd gan	etholiad cyffredinol y Deyrnas Unedig 1922
Ffeiliau perthnasol ar Gomin Wicimedia

Etholiad cyffredinol y Deyrnas Unedig, 1918 oedd yr etholiad cyntaf i'w gynnal ar ôl Deddf Cynrychioli'r Bobl 1918, ac felly yr etholiad cyntaf yn y Deyrnas Unedig y gallai merched bleidleisio ynddo. Cynhaliwyd yr etholiad ar 14 Rhagfyr 1918, er na ddechreuodd y cyfrif hyd 28 Rhagfyr. Enillwyd yr etholiad gan glymblaid rhwng y Blaid Ryddfrydol dan David Lloyd George a'r Blaid Geidwadol dan Andrew Bonar Law. Roedd rhai elfennau o'r Blaid Geidwadol a'r Blaid Ryddfrydol yn gwrthwynebu'r glymblaid, ond ni fuont yn llwyddiannus iawn. Roedd y canlyniad yn golygu fod Lloyd George yn parhau fel Prif Weinidog. Cafodd y Blaid Lafur lawer mwy o bleidleisiau nag o'r blaen, ond ni fu llawer o gynnydd yn nifer y seddau a enillwyd ganddynt.

Yn Iwerddon, collodd y Blaid Seneddol Wyddelig bron y cyfan o'u seddau i Sinn Féin dan Éamon de Valera. Ystyrir yr etholiad yma yn allweddol yn hanes Iwerddon, gan arwain at y rhyfel am annibyniaeth a ffurfio Gweriniaeth Iwerddon yn 1922. Un o ymgeiswyr llwyddiannus Sinn Féin oedd y ferch gyntaf i'w hethol i Dŷ'r Cyffredin, sef Constance Georgine, Iarlles Markiewicz. Yn unol â pholisi Sinn Féin, gwrthododd gymeryd ei sedd.