George Armstrong Custer

George Armstrong Custer
Ganwyd	5 Rhagfyr 1839  New Rumley
Bu farw	25 Mehefin 1876  Big Horn County
Dinasyddiaeth	Unol Daleithiau America
Alma mater	Academi Filwrol yr Unol Daleithiau
Galwedigaeth	swyddog milwrol
Swydd	commander-in-chief
Plaid Wleidyddol	plaid Ddemocrataidd
Tad	Emanuel Henry Custer
Priod	Elizabeth Bacon Custer
llofnod

Cadfridog ym myddin yr Unol Daleithiau oedd George Armstrong Custer (5 Rhagfyr 1839 – 25 Mehefin 1876).

Ganed ef yn New Rumley, Ohio, yn fab i Emanuel Henry Custer (1806–1892) a Marie Ward Kirkpatrick (1807–1882). Aeth i Academi Filwrol West Point, lle graddiodd yn olaf o ddosbarth o 34 cadet yn 1861, yn fuan ar ôl i Ryfel Cartref America ddechrau. Ymladdodd mewn nifer o frwydrau gan wneud enw iddo'i hun fel arweinydd a hoffai ymosod. Dri diwrnod cyn Brwydr Gettysburg yn 1863, apwyntiodd y Cadfridog Pleasonton ef yn frigadydd dros dro. Nid oedd ond 23 oed; un o'r cadfridogon ieuengaf yn y fyddin. Bu ganddo ef a'i ŵyr ran bwysig ym muddugoliaeth Gettysburg.

Wedi diwedd y Rhyfel Cartref bu'n ymladd yn erbyn pobloedd brodorol y Gwastadeddau Mawr. Cafodd ei orchfygu a'i ladd ym Mrwydr Little Big Horn gan fyddin o ryfelwyr Sioux, Cheyenne ac Arapaho, dan arweiniad Thasuka Witco ("Crazy Horse"), Gall a Tatanka Lyotake ("Sitting Bull"), er nad oedd yr olaf yn bresennol ar faes y frwydyr.