Back Landingeslote land Afrikaans Binnenstaat ALS دولة غير ساحلية Arabic بلد متحوطه ARZ Estáu ensin costa AST Dənizə çıxışı olmayan ölkələr Azerbaijani Binnenstoot BAR Дзяржавы, якія не маюць выхаду да мора Byelorussian Кантынэнтальная дзяржава BE-X-OLD Negara kecempèt BEW
Gwlad dirgaeedig neu wlad dirgylch yw'r term a ddefnyddir i ddisgrifio gwlad a amgylchynir yn gyfan gwbl gan dir, neu wlad ac unrhyw ran o'i harfordir yn gorwedd ar fôr caeedig. Mae 47 o wledydd tirgaeedig yn y byd (gan gynnwys rhai gwledydd a gydnabyddir yn rhannol yn unig). Yr unig gyfandiroedd lle na cheir unrhyw wlad dirgaeedig yw Gogledd America ac Awstralasia.
Gwlad dirgaeedig fwyaf y byd yw Casachstan yng Nghanolbarth Asia.
Ystyrir dwy wlad yn wledydd dwbl dirgaeedig: h.y., maent wedi eu hamgylchynu yn gyfan gwbl gan wledydd tirgaeedig eraill, fel bod rhaid croesi dwy ffin er mwyn cyrraedd arfordir:
- Wsbecistan yng nghanolbarth Asia, a amgylchynir gan Affganistan, Casachstan, Cirgistan, Tajicistan, a Tyrcmenistan.
- Liechtenstein, a amgylchynir gan Y Swistir ac Awstria.
Gelwir gwlad a amgylchynir gan un wlad yn unig yn glofan. Mae 3 clofan yn y byd, sef San Marino, y Fatican a Lesotho.