Llangynnwr

Llangynnwr

Math	pentref, cymuned
Poblogaeth	2,381, 2,628
Daearyddiaeth
Sir	Sir Gaerfyrddin
Gwlad	Cymru
Arwynebedd	2,314.91 ha
Cyfesurynnau	51.857°N 4.276°W
Cod SYG	W04000531
Cod OS	SN433200
Gwleidyddiaeth
AS/au Cymru	Adam Price (Plaid Cymru)
AS/au y DU	Ann Davies (Plaid Cymru)
Ffeiliau perthnasol ar Comin
[golygwch ar Wicidata]

Pentref a chymuned yn Sir Gaerfyrddin, Cymru, yw Llangynnwr, hefyd Llangunnor. Saif y pentref fymryn i'r dwyrain o dref Caerfyrddin, ger glan ddeheuol Afon Tywi. Cysegrwyd yr eglwys, yn dyddio o'r 14g, i Sant Ceinwr. Mae David Charles yr emynydd a Lewis Morris y bardd Eingl-Gymreig wedi eu claddu yn y fynwent.

Heblaw pentref Llangynnwr ei hun, mae'r Gymuned yn cynnwys pentref Nant-y-caws a dwy o faesdrefi Caerfyrddin, Tregynnwr a Phen-sarn. Mae pencadlys Heddlu Dyfed-Powys o fewn y gymuned yma. Yn ôl cyfrifiad 2001 roedd gan y gymuned boblogaeth o 2,282 gyda 67.24% ohonynt yn medru rhywfaint o Gymraeg.

Cynrychiolir cymuned Llangynnwr yn Senedd Cymru gan Adam Price (Plaid Cymru) ac yn Senedd y DU (San Steffan) gan Ann Davies (Plaid Cymru).^[1][2]

1. ↑ Gwefan y Cynulliad;^{[dolen farw]} adalwyd 24 Chwefror 2014
2. ↑ Gwefan parliament.uk; adalwyd 24 Chwefror 2014