 | |
| Math | llyn  |
|---|---|
| Daearyddiaeth | |
| Sir | Gwynedd |
| Gwlad |  Cymru |
| Cyfesurynnau | 53.031188°N 4.216652°W |
 | |
Dau lyn yng Ngwynedd yw Llynnau Cwm Silyn, y ddau ag arwynebedd o tua 15 acer.
Saif y ddau lyn yng nghysgod Craig Cwm Silyn, ar ochr de-orllewinol Crib Nantlle a thua 1,100 troedfedd uwch lefel y môr. Ceir brithyll yma, a dywedir fod torgochiaid wedi bod yma ar un adeg, a bod Llyn Torgochiaid yn hen enw ar y llynnoedd. Dywedir i arolwg a wnaed yn 1809 ac a gyhoeddwyd gan y bardd Dafydd Ddu Eryri ddangos fod y pysgod yma yn bresennol. Mae trac yn arwain at y llynnoedd o un o'r ffyrdd bach sy'n arwain i fyny o bentref Llanllyfni.