Back Alta Edat Meya AN العصور الوسطى المبكرة Arabic Alta Edá Media AST Ранно средновековие Bulgarian Alta edat mitjana Catalan Raný středověk Czech Tidlig middelalder Danish Frühmittelalter German Πρώιμος Μεσαίωνας Greek Early Middle Ages English
Term yw Oesoedd Canol Cynnar a ddefnyddir gan haneswyr i ddisgrifio rhan gyntaf yr Oesoedd Canol, o'r cyfnod ôl-Rufeinig hyd at tua dechrau'r 11g. Mae'r diffiniad yn amrywio rhywfaint yn ôl y wlad neu ranbarth ac mae'r term, fel y term 'Oesoedd Canol' ei hun, yn cael ei ddefnyddio gan amlaf i gyfeirio at gyfnod yn hanes Ewrop a rhanbarthau cyfagos. Mae'r term yn cynnwys y cyfnod a elwir weithiau "yr Oesoedd Tywyll".
Yn hanes gwledydd Prydain, mae haneswyr yn defnyddio'r term 'Oesoedd Canol Cynnar' i gyfeirio at y cyfnod rhwng diwedd rheolaeth Rhufain ym Mhrydain a dyfodiad y Normaniaid. Gelwir y cyfnod rhwng ymadawiaid y llengoedd a sefydlu Cymru, yr Alban a Lloegr fel tiriogaethau diffiniedig, fwy neu lai, y cyfnod Ôl-Rufeinig, a welodd yr Eingl-Sacsoniaid yn ymestyn eu grym ar draul y Brythoniaid: dyma gyfnod yr Hen Ogledd a sefydlu teyrnasoedd cynnar Cymru.
Dilynwyd yr Oesoedd Canol Cynnar gan yr 'Oesoedd Canol Uwch' (High Middle Ages) a chyfeirir at ran olaf yr Oesoedd Canol fel yr Oesoedd Canol Diweddar.