Paisley, Yr Alban

Paisley

Math	tref, large burgh
Poblogaeth	77,220
Gefeilldref/i	Fürth
Daearyddiaeth
Sir	Swydd Renfrew
Gwlad	Yr Alban
Gerllaw	Afon Cart
Cyfesurynnau	55.8456°N 4.4239°W
Cod SYG	S19000503
Cod OS	NS485635
Cod post	PA1, PA2, PA3
Ffeiliau perthnasol ar Comin
[golygwch ar Wicidata]

Tref yn Swydd Renfrew, yr Alban, yw Paisley^[1] (Gaeleg: Pàislig).^[2] Wedi'i lleoli ar ymyl ogleddol y Gleniffer Braes, mae'r dref yn ffinio â dinas Glasgow i'r dwyrain, ac yn pontio glannau Afon Cart, un o lednentydd Afon Clud.

Dyma ganolfan weinyddol ardal cyngor Swydd Renfrew, a hi yw'r dref fwyaf yn y sir hanesyddol o'r un enw. Cyfeirir at Paisley yn aml fel "tref fwyaf yr Alban" a hi yw'r pumed anheddiad mwyaf yn y wlad, er nad oes ganddi statws dinas.

Yng Nghyfrifiad 2011 roedd gan y dref boblogaeth o 76,830.^[3]

Daeth y dref yn amlwg yn y 12g, pan sefydlwyd Abaty Paisley yn ganolbwynt crefyddol pwysig. Erbyn y 19g, roedd Paisley yn ganolfan i'r diwydiant gwehyddu, gan roi ei enw i'r "Paisley shawl" (hynny yw siôl bersli) a phatrwm Paisley. Roedd gan y dref gysylltiad cryf â radicaliaeth wleidyddol. Roedd gwehyddion yn y dref a oedd ar streic yn allweddol yn ystod yn Gwrthryfel Albanaidd ym 1820. Erbyn y 1990au, roedd holl felinau Paisley wedi cau, er eu bod yn cael eu coffáu yn amgueddfeydd y dref.

1. ↑ British Place Names; adalwyd 3 Hydref 2019
2. ↑ Gwefan Ainmean-Àite na h-Alba Archifwyd 2019-10-03 yn y Peiriant Wayback; adalwyd 3 Hydref 2019
3. ↑ City Population; adalwyd 3 Hydref 2019